கோட்டையில் கோட்டை விட்ட பாஜக:

நந்துர்பாரில் உள்ள 23 இடங்களில் காங்கிரஸ் உடன் பாஜக நேரடியாக மோதியது. இந்தப் பகுதியில் ஏற்கனவே காங்கிரஸ் கட்சி மிகவும் வலிமையுடன் திகழ்ந்து வருகிறது. இந்நிலையில் மகா விகாஸ் அகாதி கூட்டணி காரணமாக பாஜக தோற்கடிக்கப்பட்டுள்ளது. நாக்பூர் ஜில்லா பஞ்சாயத்தின் தபிவாடா மற்றும் கம்ப்டி ஆகிய இடங்களில் காங்கிரஸ் வேட்பாளர்களிடம் பாஜக தோல்வியை தழுவியது.

இந்த மாவட்டம் முழுவதும் நிதின் கட்கரி, தேவேந்திர பட்நாவிஸ் ஆகிய இருவரும் மிகத் தீவிரமாக பிரச்சாரம் செய்தனர். ஆனால் பாஜக 15 இடங்களில் மட்டுமே வெற்றி பெற்றது. கடந்த 2013ல் 22 இடங்களில் வென்றிருந்தது. காங்கிரஸ் கட்சி 19ல் இருந்து 30ஆக வெற்றி அதிகரித்துள்ளது. தேசியவாத காங்கிரஸ் கட்சி 7ல் இருந்து 10ஆக வெற்றி உயர்ந்துள்ளது.